Татарстанда бер атна эчендә АИ-95 бензины бәясе арзанайган
Апрельнең беренче атнасында Татарстанда АИ-95 бензины бәясе 0,04 процентка яки литрына 3 тиенгә арзанайган. 8 апрельгә булган мәгълүматларга караганда, ул 53,11 сум торган. Бу Татарстанстат белешмәләреннән күренә.
Ике марканың бәясе үзгәрешсез калган: АИ-92 – 49,28 сум, АИ-98 һәм аннан югарырак – бер литр өчен 66,67 сум. Дизель ягулыгы бәясе 0,05 процентка арткан.