Татарстанда азык-төлек кәрзине ел башыннан бирле 1,8 процентка кыйммәтләнгән
Мартта Татарстанда азык-төлек кәрзиненең бәясе 19 004 сум 41 тиен тәшкил иткән. Декабрьдән бирле товар һәм хезмәтләрнең билгеләнгән җыелмасы бәясе 1,8 процентка арткан. Татарстанстат әзерләгән Татарстанда социаль-икътисади хәл турындагы докладта шулай диелә.
Татарстанда җыелма бәясе Идел буе федераль округы һәм Россия буенча күрсәткечләрдән түбәнрәк булган. Беренчесендә бәяләр – 19 603 сум 9 тиен, ил буенча 21 801 сум 27 тиен дәрәҗәсендә тора. Республика Идел буе федераль округында алтынчы урынны били.
Мартта билгеләнгән җыелмадагы товарлар һәм хезмәтләр Мордовиядә иң арзаны булган – 18 660 сум 79 тиен.