БРИКС Уеннарына берничә атна эчендә 20 меңнән артык билет сатылган
БРИКС Уеннарына инде 20 меңнән артык билет сатылган. Иң күбе Казан халкы сатып алган. Шулай ук ТОПка Мәскәү, Санкт-Петербург һәм Түбән Новгород керә. Бу хакта Татарстан Республикасы Министрлар Кабинетында узган брифингта Татарстан Республикасы спорт министры Владимир Леонов хәбәр итте.
«БРИКС Уеннарына билетларның беренче партиясе 23 апрельдә сатыла башлады. Хәзер йөзү, спорт гимнастикасы, фехтование, синхрон йөзү, дзюдо, суга сикерү, бадминтон, каратэ, спорт көрәше, самбо, ушу, көрәш һәм билбау көрәшенә билетлар сатып алу мөмкинлеге бар», – дип өстәде спикер.
Министр билетларның иң күбе Бәйсез Дәүләтләр Берлеге илләрендә яшәүчеләргә сатылуы, шулай ук башка илләрдән дә кунаклар көтелүе турында әйтте.
Билетларны БРИКС Уеннарының рәсми сайтында һәм турнирның рәсми партнеры kassir.ru сайтында сатып алырга мөмкин. Аларның бәяләре 100 сумнан 300 сумга кадәр тәшкил итә.