Тубыл шәһәрендә татар коллективларының хисап концерты булды
Төмән өлкәсе Тубыл шәһәрендә «Себер-татар мәдәнияте үзәге» муниципаль автономияле мәдәният учреждениесе иҗат коллективларының һәм клуб берләшмәләренең хисап концерты булды. Бу хакта Вконтакте социаль челтәрендәге «Себер-татар мәдәнияте үзәге» сәхифәсендә хәбәр ителә.
Концертта «Йолдызлар» балалар вокаль коллективы, «Себерстан» балалар бию коллективы, «Нур» әдәби-иҗат түгәрәге, «Туфан» театр студиясе, «Хәзинә» фольклор ансамбле катнашты.
Фойеда «Әминә» декоратив-гамәли иҗаты студиясендә шөгыльләнүче осталар ясаган эшләнмәләр күргәзмәсе оештырылган иде.
Хисап концерты Тубыл шәһәренең «Себер-татар мәдәнияте үзәге» муниципаль автономияле мәдәният учреждениесендә тәрбияләнүчеләрнең иҗади үсеш дәрәҗәсен бәяләргә мөмкинлек бирде, диелгән хәбәрдә.