Татарстанда урман янгыннары куркынычы аркасында шторм кисәтүе игълан ителде
Татарстанда урман янгыннары куркынычы зур булу сәбәпле, шторм кисәтүе игълан ителде. Республиканың Гидрометеорология һәм әйләнә-тирә мохитне күзәтү идарәсе мәгълүматлары буенча, 9-15 июльдә Татарстанда урыны белән урман янгыннарының югары куркынычы (IV класс) саклана.
Урманнарда янгын куркынычы – ул югары температура яки ут чыганагы булган очракта урман янгыны чыгарга мөмкин булган шартлар. Барлыгы 5 класс бар.
4 класс булганда, ылыслы яшь урманнарда, янган җирләрдә, зарарланган урманнарда, торфлы җирләрдә, шулай ук кипкән үләнле һәм агач ябалдашлары астында ачык ут кулланырга ярамый. Моннан тыш, янып торган шырпы, тәмәке төпчекләре һәм тарту трубкаларыннан кайнар көл ташларга, ау вакытында янучан һәм көйри торган чималдан пыж кулланырга, янучылар матдәләр белән майланган һәм сеңдерелгән материалларны махсус каралмаган урыннарда калдырырга ярамый.