Махсус хәрби операция ветераннары Социаль фондның тернәкләндерү үзәкләрендә дәвалана ала
2025 елда махсус хәрби операция ветераннары Россия Социаль фондының тернәкләндерү үзәкләрендә шифаханә-курорт дәвалануы узу мөмкинлеге алды. Бу карарны РФ Премьер-министры Михаил Мишустин имзалаган.
Мондый үзәкләр Федерация субъектларында эшли. Элегрәк алар производствода төрле җәрәхәтләр алган пациентларны реабилитацияләү белән шөгыльләнгәннәр.
Карарда белдерелгәнчә, махсус хәрби операция зонасындагы хәрби хәрәкәтләр ветераннарына тернәкләндерү урыннарына бару һәм кире кайту, шулай ук кирәкле дәвалану тәэмин ителәчәк.
Хезмәтне алу өчен гариза җибәрергә кирәк. Аны Дәүләт хезмәтләре порталы аша яки күп функцияле үзәккә килеп бирергә мөмкин.