Мобиль кушымта аша татарстанлыларны беспилотниклар һөҗүме куркынычы турында кисәтәләр
Россия Гадәттән тыш хәлләр министрлыгының мобиль кушымтасына Татарстан халкына беспилотниклар һөҗүме куркынычы турында хәбәр килде. Кешеләрне, мөмкин булганча, өйдә калырга һәм тәрәзә янына килмәскә сорыйлар.
«Татар-информ» хәбәр иткәнчә, 15.05 сәгатьтә Казан халыкара аэропортында чикләүләр кертелгән. Ул һава судноларын вакытлыча кабул итми һәм җибәрми.
16.30 сәгатьтән Түбән Каманың Бигеш аэропортында да шундый ук чикләүләр кертелде.