«Нижгар татарлары» журналының махсус номеры татар автономиясенең 20 еллыгына багышлана
Түбән Новгород өлкәсе татарлары автономиясенең 20 еллыгы уңаеннан «Нижгар татарлары» журналының махсус номеры чыкты. Ул оешманың эшчәнлеге, тарихы һәм киләчәккә планнарына багышланган. Бу хакта Түбән Новгород өлкәсе татарларының төбәк милли-мәдәни автономиясе хәбәр итә.
Ул уңайлылык өчен ике төрле форматта — А4 һәм А5 форматларында нәшер ителгән.
Басманың әлеге махсус номеры якын арада булачак татарча чараларда бушлай таратылачак. Аны шулай ук автономия офисында бушлай алырга мөмкин.
Махсус номерны чыгаруда ярдәм күрсәтүләре өчен битараф булмаган меценатларга рәхмәт белдерәбез, диелә хәбәрдә.