Миңнеханов муниципалитетлар арасында иң яхшы Яңа ел бизәлеше конкурсына йомгак ясады
Бүген Татарстан Хөкүмәте йортында традицион киңәшмәдә муниципаль берәмлекләр, предприятиеләр һәм оешмалар арасында иң яхшы Яңа ел чарасына һәм бәйрәм бизәлешенә XII Республика конкурсына йомгак ясалды. Бу хакта республика җитәкчесе матбугат хезмәте хәбәр итә.
Төбәкнең барлык муниципалитетлары катнашында киңәшмәне Татарстан Рәисе Рөстәм Миңнеханов үткәрде. Чарада шулай ук ТР Дәүләт Советы Рәисе Фәрит Мөхәммәтшин һәм ТР Премьер-министры Алексей Песошин катнашты.
ТР Иҗтимагый палатасы рәисе Зилә Вәлиева конкурс, анда катнашучылар һәм конкурс комиссиясе эше турында сөйләде. Комиссия 23 әгъзадан — дәүләт органнары һәм җәмәгатьчелек вәкилләреннән торган. Ул конкурс кысаларында 94 чарада булган.
Конкурс 9 номинация буенча үткәрелде, «Ә безнең ишегалдында» бер махсус приз да каралган иде. Анда Саба һәм Балык Бистәсе районнарыннан тыш, Татарстанның барлык муниципалитетлары да катнашты. Нәтиҗәдә 14 җиңүче һәм 44 призер билгеләнде.
Татарстан Рәисе Рөстәм Миңнеханов үз чыгышында билгеләп үткәнчә, конкурста катнашу — һәр муниципалитет һәм предприятиенең бурычы. Аның сүзләренчә, ул комиссия әгъзаларына түгел, ә төбәк халкына кирәк. Республика җитәкчесе шулай ук Яңа ел каникулларының озакка сузылуын искәртте, бу вакытта гаиләләр, мәктәп укучылары, яшьләр бергә ял итә.
Рөстәм Миңнеханов киләчәктә конкурсны әзерләү һәм аңа нәтиҗәләр ясау эшен системалаштырырга кушты. Бердәм конкурс стандартларын эшләргә кирәк, диде ул. Татарстан Рәисе шулай ук конкурста җиңүчеләрне дипломнар белән бүләкләде.
Административ үзәкләре республика әһәмиятендәге шәһәрләр булган муниципаль районнарда (Әлмәт, Түбән Кама, Тукай муниципаль районнарыннан тыш) «үзәк Яңа ел чыршысын иң яхшы бизәү һәм Яңа ел чараларын үткәрү» буенча ТР Алабуга районы билгеләп үтелде.
Казанның Совет районы үзәк Яңа ел чыршысын иң яхшы бизәү һәм Татарстан башкаласы районнарында Яңа ел чараларын үткәрү өчен бүләкләнде.
Үзәк Яңа ел чыршысын бизәүдә һәм Яңа ел чараларын уздыруда Түбән Кама, Әлмәт һәм Чаллы районнарыннан иң яхшысы дип Әлмәт танылды.
Үзәк һәм көньяк-көнчыгыш зона районнары арасында Яңа Чишмә районы, Идел аръягы зонасы районнары арасында Чүпрәле һәм Кайбыч районнары, төньяк зона районнары арасында Теләче, ә төньяк-көнчыгыш зона районнары арасында Менделеевск районы бүләкләнде.
Җирлекләрдән, район үзәкләреннән тыш, үзәк зонада Чистай районының Булдырь авыл җирлеге, Идел аръягында Яшел Үзән районының Раифа авыл җирлеге, төньякта Биектау районының Төньяк Суыксу авыл җирлеге, төньяк-көнчыгышты Тукай районының Әҗмәкәй авыл җирлеге, ә көньяк-көнчыгыш зонада Бөгелмә районының Карабаш шәһәр тибындагы бистәсе билгеләп үтелде.