Казан мэриясе Айдар Ногмановның туганнары һәм якыннарының кайгысын уртаклаша
Казан мэриясе ТР Фәннәр академиясенең Ш.Мәрҗани исемендәге Тарих институтының яңа тарих кафедрасы мөдире, тарих фәннәре кандидаты Айдар Илсур улы Ногманов вафат булуына бәйле туганнарының һәм якыннарының кайгысын уртаклаша.
Айдар Ногманов монументаль сәнгать һәм татар эпиграфикасы өлкәсендәге белгеч буларак билгеле булды. Аның татарларның хокукый хәленә һәм Россия империясенең дини сәясәтенә багышланган тикшеренүләре аеруча кыйммәтле.
Ике дистә ел дәвамында Айдар Илсур улы Казан топонимика комиссиясе әгъзасы буларак иҗтимагый тормышта актив катнашты. Аның тирән белеме һәм һөнәри тәҗрибәсе шәһәр урамнарына күренекле шәхесләрнең исемнәрен бирү мәсьәләләре буенча күпсанлы эксперт бәяләмәләрен әзерләү өчен нигез булды.
Айдар Ногуманов турындагы якты хатирәләр һәрвакыт аны белгән, хөрмәт иткән, яраткан кешеләрнең хәтерендә яшәячәк, - диелә кайгынамәдә.