Лениногорск районында өлкән яшьтәгеләрне медицина учреждениеләренә илтү проекты дәвам итә
2026 елда Лениногорск районында 65 яшь һәм аннан өлкәнрәкләрне медицина учреждениеләренә илтү проекты дәвам итәчәк. Бу хакта «Заман сулышы» хәбәр итә.
2025 елда әлеге проектта меңнән артык кеше катнашкан. Бу мөһим һәм кирәкле эшне Лениногорск үзәк район хастаханәсе белән берлектә «Исток – Башлангыч» халыкка социаль хезмәт күрсәтү комплекслы үзәге оештыра.
Район авылларында яшәүче өлкән яшьтәгеләр:
- диспансеризация уза
- флюорография үтә
- маммография
- вакцинация ясата ала.
Кабул итүне табиб-терапевтлар һәм тар белгечләр алып бара.
Әлеге проект ярдәмендә азмобильле кешеләр үз сәламәтлекләрен даими күзәтеп тора ала, диелә хәбәрдә.