«Миллиард.Татар» редакциясе Германиядә Муса Җәлил җәзалап үтерелгән урынга чәчәкләр салды
Бүген Советлар Союзы Герое, Ленин премиясе лауреаты, татар шагыйре Муса Җәлилнең тууына 120 ел тулу көнендә Берлин татар җәмәгатьчелеге геройны искә алды, Моабит лагеренда булды һәм «Миллиард.Татар» һәм «Татар-Информ» редакцияләре исеменнән Муса Җәлил җәзалап үтерелгән урынга чәчәкләр салды.
Моны тормышка ашырырга редакциянең дусты - Берлиндагы «Дәртле читек» балалар татар клубына нигез салучы Ләйсән Гәрәева ярдәм итте. Ул ватандашларны җыеп, Моаббит лагере буйлап экскурсия үткәрде, чәчәкләр салуны оештырды.