World News in Tatar

«Бердәм Россия» партиясе Халык программасы өчен тәкъдимнәр җыюны дәвам итә, инде 20 меңнән артык тәкъдим килгән. Бу хакта «Нәтиҗә бар!» форумының Түбән Новгородта узган пленар сессиясендә «Бердәм Россия» партиясе Генераль советы секретаре Владимир Якушев белдерде.

Түбән Новгородта «Бердәм Россия» партиясенең «Нәтиҗә бар!» форумында Татарстаннан яңгыраган тәкъдимнәрнең берсе волонтер-экскурсоводлар бергәлеген барлыкка китерү булды. Бу хакта «Татар-информ»га идея авторы – «ТР туристлык волонтерлары ассамблеясе» генераль директоры Юлия Бәширова сөйләде.

Россиядә сәләтле балаларга ярдәм итү системасын булдырырга кирәк – мәктәп эскәмиясеннән алып эшкә урнашканчыга кадәр. Шундый тәкъдим белән «Бердәм Россия» партиясенең «Нәтиҗә бар!» форумында ТР Министрлар Кабинетының ЗАГС идарәсе башлыгы Эльвира Әхмәтова чыгыш ясады.

Татарстанда 1 апрельдән 30 апрельгә кадәр күчәргә төшкән авырлык 6 тоннадан артып киткән йөк автомобильләренә төбәк һәм муниципальара автомобиль юлларында хәрәкәт итү вакытлыча чикләнәчәк.. Бу хакта ТР Транспорт министрлыгы матбугат хезмәте хәбәр итә.

11 апрельдә узачак 11 нче «Мәскәү-Татарстан күпере» яшьләр форумы спикерларының берсе җырчы Алсу Абрамова (Сафина) булачак. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Казан шәһәре мэры Илсур Метшин яшь чагында хирург булырга хыялланган. Бу хакта ул бүген Казан шәһәре Сәламәтлек саклау идарәсенең 2025 елгы эшчәнлек нәтиҗәләре буенча медсовет утырышында әйтте.

Татарстанда Бердәм дәүләт имтиханын (БДИ) оештыруга 44,6 миллион сум бүлеп бирергә планлаштыралар. Дәүләт сатып алулары сайтындагы мәгълүматтан күренгәнчә, бу акчалар видеокүзәтү хезмәтенә китәчәк, дип хәбәр итә «Вести Татарстан».

Бу елдан Татарстанда шәхси ярдәмче хуҗалыкларга моңарчы гамәлдә булган ярдәм чараларына симертү үгезләре өчен субсидияләр өстәләчәк. Бер хуҗалыкка 15 башка кадәр бер терлеккә 35 мең сум исәбеннән субсидия алып булачак. Моннан тыш, сарыклар өчен субсидияләр түләнәчәк. Бу хакта бүген Россия крестьян-фермер хуҗалыклары һәм авыл хуҗалыгы кооперативлары ассоциациясенең XXXVII Бөтенроссия корылтаенда ТР Премьер-министры урынбасары – авыл хуҗалыгы һәм азык-төлек министры Марат Җәббаров сөйләде.

РФ Хөкүмәте Финанс министрлыгына һәм Төзелеш һәм торак-коммуналь хуҗалык министрлыгына 2026 елның 1 июленә кадәр гаилә ипотекасы буенча ставканы гаиләдәге балалар санына карап дифференциацияләү мәсьәләләрен эшләргә кушты. Тиешле күрсәтмәне Дәүләт Думасында Министрлар Кабинетының февраль хисабы нәтиҗәләре буенча һәм депутатларның тәкъдимнәрен исәпкә алып Хөкүмәт Рәисе Михаил Мишустин бирде, дип хәбәр итә ТАСС.

Казанда «Татмедиа» акционерлык җәмгыятендә социаль медиалар буенча директор, журналист Алсу Исмәгыйлеваның «Уй + Гамәл = Язмыш» дип исемләнгән яңа китабын тәкъдим итү кичәсе узды. Чарада автор басманың иҗат ителү тарихы, эчке кичерешләре һәм китап геройлары турында сөйләде. Басма татар телендә чыкты һәм «Үз юлым» сериясендә беренчесе булды.