AQSh Adliya vazirligi O‘zbekiston marhum prezidentining to‘ng‘ich qizi Gulnora Karimovaga tegishli ekani aytiladigan bank hisoblaridagi jami 850 million dollarlik aktivlarni sud orqali musodara qilish harakatini boshlaganidan beri bir yildan ko‘proq vaqt o‘tdi. Tomonlarga suddan tashqari yechim uchun berilgan so‘nggi muhlat 2017 yilning 31 yanvarida tugaganidan beri jarayonga oid boshqa ma’lumot jamoatchilikka hozircha e’lon qilingan emas.
