Россия президенти Владимир Путин рус ҳарбийларининг “сезиларли қисми”ни Суриядан олиб чиқиш ҳақида кўрсатма берди. Путин икки йиллик ҳарбий кампаниядан сўнг Москва ва Дамашқ “Ислом давлати” экстремистик гуруҳини йўқ қилиш мақсадига эришганини айтди. Бу баёнотни у 11 декабрь куни Сурияга кутилмаган сафар билан борганида - Хмеймим ҳарбий базасида берди. Мазкур базада Путин Сурия президенти Башар Асад билан ҳам музокара ўтказган.
