Ҳиндистонда мижозларга робот-официантлар хизмат қиладиган ресторан очилди
Дарҳақиқат, робот-официантлар ресторан бюджетига катта фойда келтиради. Сабаби уларга ҳар ойи маош тўлаш шарт эмас, улар хизматидан иш вақтидан ташқарида ҳам фойдаланиш мумкин.
Ҳиндистонда очилган ва мижозларга робот-официантлар томонидан таом ташиб келтириладиган илк ресторан мижозлари ушбу ҳолатни турлича қабул қилмоқдалар. Уларнинг бир гуруҳи янги официантларни кўриб ҳайратланаётган бўлсалар, ярми юқори дажарадаги хизмат кўрсатиш сифатидан мамнун.
Хабарда айтилишича, таом учун буюртма беришни истовчилар робот билан мулоқот қилишлари шарт эмас. Шунчаки, ҳар бир стол устига жойлаштирилган планшетдан керакли таомни танлаш кифоя.
