Ҳақиқий Янги йил совғаси: Тейлор Свифт ҳомиладор мухлисасига уй совға қилди

Америкалик хонанда Тейлор Свифт турмуш ўртоғи ишдан бўшаган ва уйсиз қолиб кетган мухлисасига ажойиб янги йил совғасини тақдим этди. Хонанда қиз ҳақидаги мазкур хабарни эшитгач, унга тураржой сотиб олган.

“Мен ниҳот сизларга нима бўлганини айтиб беришга қарор қилдим. Орангизда кўпчилик мен ҳомиладорликнинг 8 ойи давомида уйсиз бўлганим ва фарзандимнинг отаси Мэттью ишсиз қолиб кетгани ҳақида билмайди. Онам бу ҳақида Тейлорга айтиб, мени Манчестердаги шоу пайида хурсанд қилишни сўрабдилар” дейди қиз.

Хабарда айтилишича, Тейлор концертдан сўнг қизни ўз пардозхонасига чақирган. “Стефани, сен менинг ҳаётимда кўп вақтдан бери борсан ва мендан ҳеч қачон ҳеч нарса ҳақида сўрамагансан. Шундай қилишинг ва мен сенга ёрдам беришим мумкин эди. Бироқ бундай қилмадинг. Онанг ҳаммасини менга айтиб берди” деди Тейлор қизга қарата.

Шунингдек, қиз Тейлор унга концерт чиптаси учун тўлаган пулни қайтариб бермоқчи бўлгани, қизга уй ва бола учун керакли барча нарсани олиб бергани ҳақида қўшимча қилган.

Тейлор Стефанига қарата “Мен оналик бахти, кичкинтой қизалоғингдан лаззатланишингни ва булар ҳақида қайғармаслигингни истайман. Сени ҳар доим яхши кўраман” деган.

Эслатиб ўтамиз, хонанда Тейлор Свифт ўзининг саҳийлиги билан ҳам ном қозонган. У касал болалар ва катталарнинг даволаниши учун кўплаб миқдорда пул ҳайрия қилади, турли лойиҳаларни қўллаб-қувватлайди.