Нотариус хизмати учун тўловни амалга ошириш тартиби ўзгарди
Нотариал ҳаракатлар учун белгиланган тўловлар амалга оширилганлиги ҳақидаги маълумотлар «Нотариус» автоматлаштирилган ахборот тизимига келиб тушганидан сўнг амалга оширилиши эълон қилинди. Бу ҳақда Адлия вазирлигининг тегишли буйруғида шундай дейилган.
Маълум қилинишича, нотариал ҳаракатларни амалга ошириш учун мурожаат қилган шахсларга нотариал ҳаракатлар учун ундириладиган давлат божи, герб йиғими ҳамда ҳуқуқий ва техник тусдаги қўшимча ҳаракатлар амалга оширилганлиги учун тўловлар бўйича квитанциялар энди Тизим орқали чиқариб берилади.
Шундан сўнг, тўловлар амалга оширилганлиги ҳақидаги маълумот Тизим орқали чоп этилади ва ҳужжатлар йиғмажилдига тикилади.