Роналду Чемпионлар Лигаси кейинги босқичида "Барселона" билан ўйнамоқчи
Мадриднинг "Реал" жамоаси тўпурари Криштиану Роналду Чемпионлар Лигаси 1/4 финал босқичида "Барселона"га қарши ўйнаш ниятида.
Испан ОАВининг хабарига кўра, жамоадошлари билан "кийиниш хонаси"даги суҳбатда португалиялик форвард Чемпионлар Лигасида ПСЖ дан омадли ўтган тақдирда, "қаймоқранглилар" каталониянинг "Барселона" клубига тўғри келишларини истайди.
"Олтин тўп"нинг амалдаги соҳиби фикрига кўра, кейинги босқич учрашувларигача тобора ўйинини яхшилаётган мадридликлар яхши формага кириб оладилар, "кўк-анорранглилар" ўйинида эса аксинча — кичик инқироз кузатилмоқда.
Манба: championat.asia