Рио-2016 Олимпиадаси чемпиони боксдан четлатилди
2016 йилги Олимпия ўйинлари чемпиони франциялик Тони Йока антидопинг қоидаларини бузганлигини учун бир йилга дисквалификация қилинди, дея хабар беради Sports.uz нашри. Манбада ёзилишича, боксчи тақиқланган модда истеъмол қилгани учун эмас, балки учта допинг назоратини ўтказиб юборгани учун жазоланган.
Бундан ташқари миллий антидопинг агентлиги бу муддатни икки йилгача узайтириши мумкин.
Эслатиб ўтамиз, Рио-де-Жанейродаги Олимпиадада у 91 кг вазнда иштирок этиб, финалда британиялик Жозеф Жойсни мағлуб этган ва чемпионликни қўлга киритган.
2017 йил Йока Жэвид Хэй ташкил қилган Hayemaker Ringstar промоутерлик компанияси билан шартнома имзолаб, профессионал боксга йўл олган эди. Франциялик боксчи учта жанг ўтказиб, барчасини ғолиб чиққан.