Назарбоев Мирзиёевга: “Сизнинг амалга ошираётган ишларингиз бутун минтақамизга ижобий таъсир кўрсатмоқда”
Айни пайтда Қозоғистонда бўлиб турган Президентимиз Шавкат Мирзиёев ҳақида қўшни мамлакат президенти Нурсултон Назарбоев ўзининг илиқ фикрларини билдирди. Бу ҳақдаги маълумот Ўзбекистон Президенти матбуот котиби Комил Алламжоновнинг Фейсбук саҳифасида эълон қилинди.
Нурсултон Назарбоев: “Сиз Ўзбекистонда жуда катта ишларни амалга оширяпсиз ва бу бутун минтақамизга ижобий таъсир кўрсатмоқда. Кеча Тожикистон, бугун Қирғизистон Президентлари билан гаплашдим. Улар ҳам шу ҳақда гапирди – Шавкат Миромоновичнинг сиёсий иродаси ва саъй-ҳаракатлари натижасида минтақамиздаги вазият бутунлай ўзгарди, деди. Буларнинг ҳаммаси одамларни хурсанд қиляпти”.