Тошкент ИИББ ЙПХ янги турдаги видео қайд этиш мосламасини синовдан ўтказмоқда
Фото: Тошкент шаҳар Ички ишлар бошқармаси матбуот хизмати
Тошкент шаҳар ИИББ ЙПХ ўз машиналарида янги турдаги видео қайд этиш мосламасини синовдан ўтказмоқда, деб ёзади Тошкент шаҳар Ички ишлар бошқармаси матбуот хизматига иқтибос келтирган ҳолда Дарё нашри.
Янги мосламанинг бошқаларидан фарқи шундаки, у нафақат ташқи тарафни, балки бир вақтнинг ўзида ЙПХ автомобили салонининг ичини ҳам тасвирга олади. Узлуксиз ишлаб турувчи қурилма кодланган бўлиб, ЙПХ ходимининг уни ўчириб ёқиши, тасвирларни йўқ қилишининг имконсиз. Бу эса биринчидан, ЙПХ ходими ишининг шаффофлигини таъминласа, иккинчидан, хизмат мажбуриятлари ижросини назорат қилиш ишларини осонлаштиради.