Чеченистонда Салоҳга 100 килограмлик торт совға қилишди (видео)
Чеченистонлик ишқибозлар Миср терма жамоаси футболчиси Муҳаммад Салоҳга туғилган куни муносабати билан 100 килограмм оғирликка эга торт совға қилишди. Бу ҳақда «Кун» нашри хабар бермоқда.
«Жамоа аэропортдан бироз хафа кайфиятда келди, бироқ меҳмонхонага кириш чоғида уларни уч қаватли торт кутиб турганди. Унда табрик ёзуви ва тилла рангдаги бутса бўлган. Салоҳ ва футболчилар байрамона муҳитни кўриб, табассум қила бошлашди», - дея айтиб ўтган гувоҳлардан бири.
Миср терма жамоаси мундиалнинг илк баҳсида Уругвайга 0:1 ҳисобида мағлуб бўлди.
Мисрликлар кейинги баҳсни Россия термасига қарши 19 июнь куни ўтказади. Беллашув «Санкт-Петербург» стадионида бўлиб ўтади.