Афғонистон ИИВ раҳбари «Толибон» аъзолари билан учрашди
Афғонистон ички ишлар вазири Воис Аҳмад Бармоқ «Толибон» гуруҳи аъзолари билан учрашди. Бу ҳақда Khaama Press агентлиги хабар бермоқда.
Учрашув Рамазон ҳайити муносабати билан эълон қилинган вақтинчалик сулҳ фонида бўлиб ўтди. Вазирликнинг ўзи бу ҳақдаги хабарларга ҳозирча изоҳ бермади. Бироқ, ҳисоботларда кўрсатилишича, Бармоқ толиблар билан Кобулдаги кўчалардан бирида учрашган.
Эслатиб ўтамиз, аввалроқ Афғонистонда покистонлик толиблар етакчиси ўлдирилгани хабар қилинганди.