Марадона: "Сампаоли жамоани Исландияга қарши тайёрлай олмагани шармандали ҳолат"
Афсонавий ҳужумчи Диего Марадона Аргентина терма жамоаси бош мураббийи Хорхе Сампаолини Исландия билан қайд этилган дурангдан сўнг кескин равишда танқид остига олди.
«Агар терма жамоа шу тариқа ўйнашда давом этса, Сампаоли Аргентинага қайта олмайди. Жамоа ўйинга тайёр эмас эди, бу шармандали ҳолат! Исландия футболчилари 190 см бўйга эгалигини била туриб, биз бурчак тўпини қисқа пас орқали ўйнаб кўрмадик.
Мен футболчиларни айбламоқчи эмасман. Мен бош мураббийни ўйинга етарлича тайёрлай олмагани учун айбламоқдаман. Сиз мусобақага 25 нафар ажойиб футболчи билан келишингиз мумкин, лекин улар билан ишлаш керак. Биз исландияликларнинг ўйинга яхши тайёрланиб келганини кўрдик ва бу аянчли», - дейди Марадона.
Манба: www.uff.uz