Москвада типратиканлар кафеси очилди (фото)
Россия пойтахти Москва шаҳрида мижозларнинг томоша қилишлари учун типратиканлар кафеси очилди, деб ёзади «Хабар» нашри.
Тайм-кафе (антикафе деб ҳам аталади) турига кирувчи ушбу кафеда ейилган таом учун эмас, у ерда ўтказилган вақт учун пул тўланади. Типратиканларни томоша қилиш ва силаб қўйишни истасангиз, кундузи бир дақиқа учун 4 рубль, кечки пайт ҳамда дам олиш кунлари эса 8 рубль тўлаш лозим.
«Ежеминутка» номини олган бу кафе очилиши билан мижозлар сони ортиб кетди. Унинг номи дақиқаларга боғлиқ бўлиб, шунингдек, «еж» ёки «ёж», яъни типратикан сўзидан ҳам олинган.