Остонада ўзбекистонлик 8 нафар қиз фоҳишаликка мажбурланган
Остонада яшовчи 40 ёшли аёл фоҳишалик билан шуғулланишга жалб этишда гумонланмоқда, деб хабар беради Kun.uz.
Жабрланувчилардан бирининг аниқлик киритишича, «Оксана» (гумонланувчи ўзини шундай деб таништирган) қизларнинг паспортини олиб қўйган ва улар ҳар куни сауналар, меҳмонхоналар ҳамда ижарага олинган квартираларда жинсий характерга эга хизматларни кўрсатиш орқали 17 минг тенгедан (тахминан 377 минг сўм) пул беришлари ҳақида шарт қўйган.
«Гумонланувчининг яшаш жойида Ўзбекистон Республикаси фуқаролари бўлган саккиз нафар қизнинг паспортлари ва пуллар топилди. Бундан ташқари, гумонланувчининг квартирасида яна уч нафар қиз бўлган. Уларнинг полицияга хабар беришича, квартира эгаси уларни фоҳишалик билан шуғулланишга мажбурлаган ва пул бермаган», - дейилади нашр хабарида.
Тадбирларни ўтказиш чоғида фоҳишалик билан шуғулланишга мажбурланган бошқа қизлар бўлган яна бир нечта квартира аниқланди.
Судга қадар текширув ўтказилмоқда. Жабрланувчиларга ёрдам кўрсатиш мақсадида улар «Коргау Остона» хусусий жамғармасига жойлаштирилди.