Россия ва Миср президентлари Владимир Путин ва Абдулфаттоҳ ас-Сисий расмий музокараларни якунлагач, Россиянинг энг охирги техникаси билан амалиётда танишиш учун Сочидаги автодромга йўл олдилар. Путин мисрлик ҳамкасби билан автодромга янги лимузини “Сенат”да борган. “Формула-1” пойгалари ўтадиган автодромда Россия саноат ва савдо вазири Денис Мантуров ас-Сисийга “Аурус”нинг бошқа моделлари – “Сенат” седани ва “Арсенал” минивэнини намойиш қилган. Сўнгра Путин седан рулига ўтириб, мисрлик ҳамкасбига уни синаб кўришни таклиф қилган. Кейинроқ Миср президентига Россиянинг мудофаа-саноат мажмуасининг энг янги маҳсулотлари намойиш қилинган. Миср президенти 16 октябрда Россияга расмий ташриф билан келган.
