“Насаф” – “Сўғдиёна” (3:0) учрашувидан кейинги матбуот анжуманининг иккинчи қисмида мезбон жамоа бош мураббийи Рўзиқул Бердиев ўйин ҳақидаги фиклари билан ўртоқлашди. Рўзиқул Бердиев: Йигитларга бугунги ўйин учун раҳмат айтмоқчиман. Улар кўрсатмаларимизни яхши бажаришди. Бугун майдонга тушган футболчиларимиз эркин ҳаракат қилишди. Борган сари ўзларига бўлган ишонч ҳам ортмоқда. Аслида мақсадимиз ҳам шу. Яъни, футболчиларимизни руҳий ва тактик жиҳатдан маҳоратини ошириш. Менимча, мақсадимизга аста-секин эришаяпмиз. Бунга кейинги ўйинларимиз ва қўлга киритаётган натижаларимиз мисол бўла олади. Бугунги учрашувда биз рақибимиздан ҳар томонлама устунлик қилдик. Ўйлайманки, бугунги ғалабамиз билан мухлисларимизни хушнуд эта олдик. Асосий мақсадимиз ҳам шу! Албатта, тўхташга ҳеч қандай ҳаққимиз йўқ. Биз навбатдаги ўйинларга ҳам қаттиқ тайёргарлик кўрамиз. Манба: fcnasaf.uz
