Донецкдаги уруш ҳаракатларида иштирок этган Руслан Бобожонов (тахаллуси «Лочин») озодликка чиқарилди, деб ёзади Kun.uz нашри. Маълумотларга кўра, бунда унга «Комсомольская правда» нашри журналистлари ёрдам беришган. Қайд этилишича, «Комсомольская правда» журналистлари Русланни 2014 йилги жанглардан буён шахсан танишади. Эслатиб ўтамиз, Ўзбекистон Жиноят кодексининг 154-моддасига кўра («Ёлланиш») низолашаётган давлатнинг фуқароси ёки ҳарбий хизматчиси ҳисобланмаган ёхуд назорат қилиниб турган низолашаётган давлат ҳудудида доимий яшамайдиган ёки ҳеч қандай давлат томонидан қуролли кучлар таркибида расмий топшириқни бажариш ваколати берилмаган шахснинг моддий манфаатдорлик ёки бошқа бирон шахсий манфаатни кўзлаб, ўзга давлат ҳудудида ёки унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиши беш йилдан ўн йилгача озодликдан маҳрум қилиш билан жазоланади.
