Ли Дон Гук термамизни эътироф этди...
«Чонбук Хёндэ Моторс» клуби футболчиси, Жанубий Корея миллий жамоасининг афсонавий ҳужумчиси Ли Дон Гук Ўзбекистон термасининг бугунги авлоди ҳақида фикр билдирди. «Осиё кубогида ҳаммани ажаблантириши мумкин бўлган терма - Ўзбекистон. Улар бирга ўсдилар, ёшликдан елкама-елка ўйнаб келганлар, уларнинг бир-бирларини ўзаро яхши тушунишлари кўп жамоалар учун хавфли бўлиши мумкин», - деди Ли Дон Гук Осиё кубоги расмий сайтига берган интервьюсида. Ли Дон Гук яна қўшимча қилдики, у ўзбекистонликларнинг ўйинини охирги Осиё ўйинларида кузатган ва жуда яхши таассурот олган. Эслатиб ўтамиз, Ўзбекистон термаси Осиё ўйинлари ярим финалида Жанубий Кореяга 3:4 ҳисобида мағлуб бўлганди. Ҳамюртларимиз ҳал қилувчи голни 118-дақиқада пенальтидан ўтказиб юборгандилар. Шу йилнинг 20 ноябрь куни Жанубий Корея термаси Австралияда ўтган ўртоқлик ўйинида Ўзбекистон миллий жамоасини 4:0 ҳисобида ютганди. Манба: interfutbol.uz