Индонезияда тартибсизликлар. Қурбонлар сони ҳозирча 8 киши…
Индонезияда ўтган президентлик сайловлари якунларига кўра амалдаги президент Жоко Видодо ғолиб бўлгач, мамлакат пойтахти Жакарта шаҳар аҳли аввалига норозилик намойишида иштирок этиш учун кўчаларга чиқди. Улар сайловларда 44, 5 фоиз овоз тўплаб мағлуб бўлган Правобо Субианто тарафдорлари эди. Намойиш иштирокчилари сайловларда юзлаб ва минглаб қонунбузарликларга йўл қўйилгани ва зудлик билан қайтадан сайловлар ташкил этишини талаб қила бошлашди. Аммо кейинчалик норозилик намойиши тартибсизликларга айланди. Фуқаролар полиция билан тўқнаш келди. Айтишларича, ҳозирнинг ўзида юзга яқин одам турли даражада жароҳатлар олган. Саккиз киши қурбон бўлган.