Калининград туғруқхонасида муддатидан олдин туғилган ўзбекистонлик чақалоқни қасддан ўлдиришди. Нега?
Ҳақиқатан, Россиянинг Калининград шаҳридаги №4- туғруқхона врачлари муддатидан олдин 700 грамм вазн билан туғилган ўзбекистонлик чақалоқни ўзаро келишган ҳолда қасддан ўлдиришди. Бу жиноятнинг тепасида туғруқхона бош врачи вазифасини бажарувчи Елена Белова турган. Айнан у чақалоқни ўлдириш «сценарий»сини тузган. У ўтган йил ноябрида худди шу чақалоқ ўлиши лозимлигини реаниматолог-анестезиолог Элина Сушкевичга уқтирган ва шу ишни амалга оширишини буюрган. Агар бу бола яшаб қолса, Белова асосий ниятига етолмаслигини, аниқроғи, туғруқхона бош врачи лавозимидан маҳрум бўлишини реаниматологга қайта-қайта тушунтирган. Сушкевич буйруққа бўйсунган ҳолда чақалоқнинг томирчасига «Магний сульфат» дори воситасини катта дозада йўллаган. Белова ҳужжатларга гўё чақалоқ она қорнида ўлим топган каби қайдларни жойлаштириб чиққан. Яъни, қонуний ҳужжатларни 360 даражага ўзгартириб юборган.
Ҳозирда ушбу факт юзасидан жиноий иш қўзғатилган. Тергов жараёни бошланган.