Баъзан ижтимоий тармоқлар ёки интернет сайтларида беихтиёр кўзимиз жуда ҳам каттакон итларга тушиб қолади. Дунёда шундай итлар насли борки, уларнинг бўйи одамлар билан баравар ёки улардан узун ҳам бўлиши мумкин. Хуш нега улар бу қадар улкан бўлиши мумкин. Дунёда бундай улкан итлар зоти қадим тарихдан овчилик, қўриқлаш ёки ҳар қандай вазият ёки шароитда ҳам жон сақлай олиши ва инсонларни қутқариши учун боқилган. Бугунги саҳифамиз орқали бундай улкан ит зотлари ҳақида маълумот бериб ўтамиз: 1. Буюк Дейн- ушбу ит зоти катталиги жиҳатидан дунёда биринчи бўлиб, у немис зотдор итларидан ҳисобланади ва унинг немисча Деутсче Догге номи немис мастифини англатади. Унинг германлардан олдинги авлоди эса инглиз мастифлари ва Ирландия бўриларининг авлодига бориб тақалади. Уларнинг вазни жуда оғир бўлмасада, бўйи 2-2,5 метргача етади. 2. Неаполит мастифи- бундай итлар дунёда ўзининг оғирлиги билан машҳурдир. Неаполит мастифи Италиянинг жанубида пайдо бўлган. Қўриқчи ит сифатида ишлатиладиган ўртача эркак мастифнинг бўйи 26-31 дюймни ташкил қилади ва оғирлиги 130-155 фунтга етади. Урғочиларининг оғирлиги эса бир оз камроқ. Бу итлар ўзларининг садоқатлилиги билан ҳам танилган. Мастифлар қўрқитиш учун кўп ҳам акиллаб ўтирмасдан, дарҳол ўлжасига ташланади. 3. Шотландия Учқури- бу турдаги итлар жуда ҳам ҳужумкор ва тезкорлиги билан машҳур. Улар қадимда қизил кийикларни овлашда фойдаланилган. Унинг тезлиги юқори бўлгани учун қуёнга ўхшатишган. Ушбу итларнинг узунлиги 32 дюйм, оғирлиги 110 фунт бўлиши мумкин. Бугунги кунда кийик овлаш ман қилинган бўлсада, уларни баъзи жойларда броконерлар боқишади.
