Ёлғон ё ҳақиқат? Бу йилги “Олтин тўп” учун сўровнома натижалари ижтимоий тармоқларда тарқалди ФОТО
Хабарингиз бор, 2 декабрь куни Париждаги «Шатле» театрида “Олтин тўп” совринининг бу йилги гъолиби эълон қилинади.
Интернетда эса йилнинг энг яхши футболчиси учун ўтказилган сўровноманинг натижалари тарқалиб кетди. Унга кўра, 578 очко билан “Ювентус” ҳамда Португалия терма жамоаси аъзоси Криштиану Роналду пешқадам сифатида кўрсатилган. Бироқ, бу маълумот ҳозирча расман ўз тасдиғини топмаган.
Олдинроқ ҳам ОАВ орқали Роналду мазкур номга эга чиқиши ҳақида хабарлар тарқалганди.
Эслатиб ўтамиз, 34 ёшли футболчи ўтган мавсум клуб сафида А Серия ҳамда Суперкубок, терма жамоа либосида эса Европа Миллатлар Лигаси мусобоқасида зафар қозонди.