«Манчестер Сити» сўнгги дақиқаларда «Арсенал»дан ғалабани тортиб олди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Футбол бўйича Англия чемпионатининг 21-туридан ўрин олган «Арсенал» ва «Манчестер Сити» ўртасидаги баҳс 1 январь, шанба куни бўлиб ўтди. Лондонда ўтган ўйинда ҳисоб 31-дақиқада Букайо Сака томонидан очилди. 57-дақиқага келиб эса Рияд Маҳрез 11 метрлик жарима зарбасини голга айлантириб, мувозанатни тиклади. Ҳакам томонидан қўшиб берилган дақиқаларда эса Родри «шаҳарликлар»га ғалаба келтирган голга муаллифлик қилди. Қайд этиш керак, «Арсенал» 59-дақиқада бир киши кам бўлиб қолди, Габриэль Магаляес қизил карточка олиб, майдонни шерикларидан эрта тарк этди. Ушбу ғалабадан кейин «Манчестер Сити»нинг очколари сони 53 тага етди, жамоа 2-ўриндаги «Челси»дан 11 очкога илгарилаб кетган. «Арсенал» эса 35 очко билан 4-поғонани банд этган. «Арсенал» – «Манчестер Сити» 1:2 Голлар: 1:0 – 31 Сака, 1:1 – 57, пенальти Маҳрез, 1:2 – 90 Родри. «Арсенал»: Рэмсдейл, Томиясу, Габриэль, Уайт, Тирни, Жака, Парти, Эдегор (Ҳолдинг, 63), Сака (эн-Ненни, 84), Ляказетт (Смит-Роу, 71), Мартинелли. «Манчестер Сити»: Эдерсон, Жоау Канселу, Ляпорт, Рубен Диаш, Аке, де Брюйне, Бернарду Сильва, Родри, Стерлинг, Маҳрез, Габриэль Жезус (Гундўған, 63). Огоҳлантиришлар: Жака (55), Габриэль (57), Сака (63), Ҳолдинг (68), Родри (90), Бернарду Сильва (90). Четлатиш: Габриэль (59).