Шавкат Мирзиёев энг заиф нуқтадан иш бошлаш кераклигини айтди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Президент матбуот хизмати Шу йил 31 январь куни Президент Шавкат Мирзиёев ҳузурида Тошкент шаҳрида амалга ошириладиган лойиҳалар тақдимоти ўтказилгани ҳақида хабар берилганди. Унда давлат раҳбари томонидан сектор раҳбарларига маҳаллабай ишлаш бўйича бир қатор кўрсатмалар берилди. «Биринчи қайси кўчага боришимиз керак? Қайси хонадонга киришимиз лозим маҳаллада? Қайси кўча билан хонадон — ана шуни билсак, энг заиф жойимизни билган бўламиз. Биз инсон омили билан яшаяпмиз, адолатли ҳақиқат билан яшаганимиз йўқ», – деди Шавкат Мирзиёев пойтахт ҳокими ва бошқа мутасаддиларга мурожаат қилиб. «Ҳозир Тошкент халқига бориб мурожаат қилсак, барибир шубҳаланади. "Мен камбағалманку, кўчамда тиббиёт йўқку, таълим йўқку, икки сменаку" дейди. Одамлар ишонмайди. Энди туман эмас, маҳаллабай чиқиб, маҳалла аҳлини йиғиб, шу туманнинг сектори айтиши керак: "навбат билан энг ёмон жойдан яхшисига қараб келамиз. Мана бу маҳалладаги кўчада бу-бу хонадонларнинг аҳволи ёмон, аввал шундан бошлаймиз, кейин сизга келамиз" деган гапни қилиш керак», — деб кўрсатма берди давлат раҳбари.