Шаҳобиддин Зоиров бугун профессионал боксдаги навбатдаги жангини ўтказади — Бизга қўшилинг: ???? https://t.me/joinchat/AAAAADwt0NGCRoONT4f1_Q
Англиянинг Эссекс графлигида 11 март, жума куни профессионал бокс кечаси бўлиб ўтади. Фото: Instagram Мазкур жанг оқшомида профессионал бокснинг иккинчи ярим енгил (-55,34 кг) вазн тоифаси вакили Шаҳобиддин Зоиров (3-0, 2 КО) ҳам иштирок этади. Ўзбекистонлик боксчи британиялик Бретт Фидога (15-68, 7 КО) қарши рингга чиқади. Мусобақа Тошкент вақти билан 11 мартдан 12 мартга ўтар кечаси бўлиб ўтади. Шаҳобиддин шу кунга қадар профессионал боксда учта жанг ўтказиб, учаласида ҳам ғалаба қозонганди. Дебют жангида индонезиялик Энтони Ҳолтни нокаут ҳисобига мағлуб этган бўлса, иккинчи жангида грузиялик Мишико Шубитидзени ҳам нокаутга учратган. Учинчи жангида ҳиндистонлик Сандиб Сингҳ устидан очколар ҳисобига ғалаба қозонган.