Дуккакли, макарон ва консерваланган маҳсулотларни тўғри сақлаш бўйича тавсиялар — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Домашний очаг» Дон, макарон ва консерваланган маҳсулотларни қандай сақлаш керак? Уларни қанча муддат давомида сақлаш тавсия этилади? Қуйида бунга аниқлик киритамиз. Мос келувчи жой Албатта, дон маҳсулотлари учун ҳам иссиқ бўлмаган, қуруқ жой керак. Шунингдек, ҳарорат ўртача бўлиши шарт. Яъни дон маҳсулотлари учун ошхонадаги жавонлар тўғри келади. Лекин макарон маҳсулотларини узоқ вақт давомида ошхонада сақлаш тавсия этилмайди. Яхшиси, ушбу маҳсулотдан захирага камроқ харид қилган маъқул. Маҳсулотни сақлаш мўлжалланган жавон дарҳол кирсовун бўлаги билан артиб чиқилади ва маҳсулотлар жойлаштирилади. Бирламчи қайта ишлаш Мутахассислар ва тажрибали уй бекалари донли маҳсулотларни идишга жойлаштиришдан олдин уларни музлатгичда бир кун ушлаб туриш ёки пишириқ қоғозида бир соат давомида печда қовуришни тавсия этади. Иккиси ҳам фойдали, қолаверса, бу жараён паразитларнинг личинкаларидан халос қилади. Керакли контейнер Дон маҳсулотини завод қадоқларидан шиша идишларга ўтказиш тавсия этилади. Улар шаффоф бўлиши керак, чунки қоронғи жойда сақланади. Асосийси, қопқоқ ҳаво ўтказмаслиги зарур. Қуруқ лимон ёки апельсин қобиғини банкага ташлаб қўйиш ҳам мумкин. Макарон маҳсулоти эса ўзининг ўрамида яхши сақланади. Тўғри фойдаланиш Дон маҳсулотларини тўғри сақлаш билан бирга, ундан қандай фойдаланишни ҳам билиш лозим. Бунинг учун дон идишдан тўкиб ёки қуруқ қошиқ билан олинади ва идиш яна герметик тарзда ёпилади. Дарҳол бўлмаса-да, бир соатга қолмай шкафга қўйиш зарур. Шу одатга кўра маҳсулотни яхши сақлаш мумкин. Маҳсулотларни тўғри сақлаш учун қуйидаги шароит муҳим: - қуруқ; - тоза; - қоронғи; - иссиқ эмас. Тўғри эмас: - газ ёки сувга яқин жойда сақлаш; - донни ҳўл қошиқ билан олиш; - банкага барча янги донларни тўкиб ташлаш ва эскисини банканинг таг қисмида қолдириш. Унутманг: Макарон учун қурт ва мита хавфли эмас, асосийси, қуруқ ва салқин жой. Тариқ, жўхори уни, гуруч каби донли маҳсулотлар митти зараркунандалардан қўрқади. Келажакда фойдаланиш учун сули, жўхори ёрмаси ва жўхори уни сотиб олмасликка ҳаракат қилиш лозим, уларнинг ўртача сақлаш муддати бир йилдан кам. Дон ва майдаланган донлар учун очилишдан олдин ёки кейин сақлашда унчалик катта фарқ йўқ. Завод қадоқлари камдан кам ҳолларда мукаммал муҳрланади. Консерваланган маҳсулотларни қандай сақлаш керак? Биринчидан, улар агар металл идишда бўлса, унда ҳеч қандай чуқурлик ёки занг йўқлигига ишонч ҳосил қилиш керак. Шиша бўлса, қопқоқнинг маҳкамлиги текширилади. Иккинчидан, барча консерваларни қоронғи ва салқин жойда сақлаш керак. Ва уларни ҳеч бўлмаганда вақти-вақти билан қопқоғини босиб, текшириб туриш керак. Агар бирор ўзгариш бўлмаса, улар узоқроқ туриши мумкин. Лекин фақат қадоқда кўрсатилган амал қилиш муддати тугагунга қадар. Бугунги кунда ишлаб чиқарувчилар махсус технологиялар ва хавфсиз озиқ-овқат қўшимчалари ва консервантлардан фойдаланади, бу эса сақлаш муддатини ва яроқлилигини сезиларли даражада узайтиради. Заводдаги гўшт ва балиқ консервалари учун бу муддат, қоида тариқасида, 3 йилдан ошмайди. Узоқ муддатли сут ҳам энг яхшиси салқин ва қоронғи жойда сақланади, албатта, яроқлилик муддати тугагунга қадар – қадоқда кўрсатилган ишлаб чиқариш санасидан 9 ой ўтгач тугайди. Ёрма ва макарон маҳсулотлари қанча вақт давомида сақланади? - Макарон ўртача бир ярим йил сақланади. Сут ёки тухум қўшилгани тахминан олти ой. - гречка – бир ярим йилдан икки йилгача; - гуруч – бир ярим йил; - нўхат (ҳам бутун, ҳам бўлинган) – 2 йил; - манний ёрмаси– тахминан 9-10 ой; - буғдой, арпа, маккажўхори донлари – тахминан 9-12 ой; - сули ёрмаси – 6-8 ой. Агар сиз ушбу қоидаларнинг барчасига риоя қилсангиз, ошхонадаги барча маҳсулотлар узоқ вақт давомида хизмат қилади.