Моуриньо “Рома”нинг гол уролмаётган ҳужумчилари ҳақида гапирди — Бизга қўшилинг: ???? https://t.me/joinchat/AAAAADwt0NGCRoONT4f1_Q
“Рома” Конференциялар лигаси нимчорак финал учрашувининг жавоб учрашувида “Витесс”ни қабул қилади. Бу жамоаларнинг Нидерландиядаги ўйинида римликлар кичик ҳисобда ғалаба қозониб, кейинги босқичга чиқиш учун яхши имконият ҳосил қилган. “Рома” раҳбарияти Жозе Моуриньо олдига УЕФАнинг мазкур турнирида ғолиб чиқиш вазифасини юклаган. Римликлар бош мураббийи ўйин олдидан журналистларни қизиқтирган саволларга жавоб берди. - Дунёда бўлаётган воқеалар ҳақида нима деёласиз? - Бу борада қарашим оддий. Барча урушларни тўхтатинг, шунисини ва бошқаларини ҳам. Агар бунинг учун бу гапларларни ҳар куни такрорлашим керак бўлса, шундай қиламан. Сиёсат мени қиўиқтирмайди, лекин айтилиши керак бўлган гапларни оммавий тарзда эълон қилавераман. Мен доим урушга қаршиман. Ҳар қандайига қаршиман! - Бироз ортга қайтиб, Удинедаги ўйинни ёдга оламиз. Нима деб ўйлайсиз, жамоа керакли иштиёққа эгами? - Бу борада ҳар куни ишлаяпмиз. Бўлажак ўйинга тайёрмиз. - Бу ҳафта ўзига хос. Қайси муҳим – “Витесс”ми ёки якшанба бўладиган дербими? - Ҳозир мен учун “Лацио” йўқ, фақат навбатдаги ўйин турибди. Ютсак, биз чорак финалдамиз, ютқазсак, мусобақани тарк этамиз. Ҳозир фақат шу баҳс мени қизиқтириши мумкин. - Мхитарян сингари майдонда тез қарор чиқа оладиган бошқа футболчи борми? Удинедаги ўйинда унинг йўқлиги таъсир ўтказдими? - Ҳамма ўйинчилар ҳар хил. Ҳаммангиз ёвуз танқидчисизлар. Сизлар Римга 8-9 ёшида келиб, А Серия учрашувида илк бор асосий таркибда майдонга тушган (Никола Залевски ҳақида гап кетмоқда) ёш болага ҳам ташландингиз. Аслида сизларни танқид қилиш керак. Мхитарян биз учун муҳим ўйинчи, лекин унинг йўқлиги биз юта олмаган ўйинда асосий сабаб бўла олмайди. - Сафардаги гол бўйича қабул қилинган янги қоида сизга ёқдими? Бу қандай ўзгаришларга олиб келади? - Тўғриси, буни билмайман. Ўйин характерига оз бўлса-да, таъсир қилади. Масалан, “Аякс” Лиссабонда дурангга эришди. “Бенфика” чорак финалга чиқиши учун гол уриши шарт эмасди. Аввал ўз майдонида дуранг ўйнаган жамоа бўлажак учрашув олдилан мағлуб позициясида бўларди. Лекин мен белажак беллашувда аввалги ўйин натижаси ҳақида ўйламайман. Дуранг бизни қониқтиради, деган фикрдан узоқмиз. - Абрахамдан бошқа ҳужумчилар кам гол урмоқда. Бунинг ечимини ким топади? - Бу ўйинчилар аввалдан тўпурар бўлиб, энди гол уролмаяптими? Ёки улар фаолияти давомида ҳеч қачон кўп гол киритмаганми? Бизнинг “Рома”да гол уришдан тўхтаган Левандовски ўйнамаяптику. - “Удинезе”га қарши ўйиндан фарқли равишда нечта ўзгариш қилмоқчисиз? Дзаньолога дам берасизми? - Нега энди. У Арнемдаги ўйинла 25 дақиқа дам олди. Нега Дзаньоло дам олиши керак, Руй Патрисио эмас. У икки-уч кундан бери ҳордиқ чиқаряпти. Шунинг ўзи етарли. Нега фақат Дзаньоло ҳақида сўрашингизни умуман тушунмайман. “Рома” – “Витесс” учрашуви Тошкент вақти билан 01:00 да бошланади.