Туркия президенти Эрдўған Тошкентга етиб келди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Anadolu Туркия президенти Ражаб Тоййиб Эрдўған 29 март куни Ўзбекистон президенти Шавкат Мирзиёевнинг таклифига биноан Тошкентга ташриф буюрди. Эрдўған ва унинг рафиқасини Тошкент халқаро аэропортида президент Мирзиёев ва унинг рафиқаси кутиб олди. Ташриф “Янги Ўзбекистон” боғи билан танишишдан бошланди. Мартабали меҳмон Мустақиллик монументи пойига гулчамбар қўйди. Шундан сўнг Кўксарой қароргоҳида расмий кутиб олиш маросими бўлиб ўтди. Ташриф доирасида олий даражадаги Ўзбекистон–Туркия стратегик шериклик кенгашининг 2-йиғилиши бўлиб ўтади. Саммит якунида қўшма баёнот ва қатор икки томонлама ҳужжатлар қабул қилиниши режалаштирилган. Эслатиб ўтамиз, Эрдўғаннинг 2018 йилдаги Тошкентга ташрифи вақтида Ўзбекистон–Туркия стратегик шериклик кенгаши тузишга келишиб олинган эди. Кенгашнинг илк йиғилиши 2020 йилда Анқарада бўлиб ўтди.