"Ал Виҳдат" бош мураббийи: "Насаф" европача усулда футбол ўйнайди" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: championat.asia ОЧЛ 2-тури доирасида "Насаф"га қарши баҳс олдидан "Ал Виҳдат" бош мураббийи Рард Ассаф ўз фикрларини билдириб ўтди. Учрашув ҳақида Рард Ассаф: - Бу гуруҳдаги иккинчи ўйинимиз. "Насаф"га қарши баҳс жуда муҳим саналади. Бизда кучли ўйинчилар бор. Майдонда жанг қилишга тайёрмиз. Гуруҳдаги икки ўйин ҳам дуранг билан якунланганди. Биз гуруҳдаги ўйинларни ҳудди бошидан бошлаётгандекмиз. Биринчи ўйин ҳар доим қийин бўлган. Дастлабки ўйинда биз баъзи қийинчиликларга дуч келдик. Аммо иккинчи бўлимда мухлисларимиз қўллови билан барчасини ўз изига туширдик. Уч очко олишни ният қилгандик. Аммо мағлубиятдан кўра бир очко афзалроқ. Аҳмад Элиас: - Ўйин ҳақида фикр билдиришдан аввал, Даммам шаҳридаги барча мухлислар, мусобақа ташкилотчиларига миннатдорчилик билдирмоқчиман. Ўйинга келадиган бўлсак, биз бу қарама-қаршиликка ажойиб тайёргарлик кўрдик. Ўйлаймизки, ушбу ўйинда гуруҳдаги илк ғалабамизни қўлга киритамиз. "Насаф" ҳақида Рард Ассаф: - "Насаф" жуда яхши шаклланган жамоа. Улар Европа услубида ўйнашади. Аммо биз уларни етарлича ўрганиб чиқдик. Ўйлайманки, ўйин якунида уч очкога эга бўламиз. Аҳмад Элиас: - Биз "Насаф" клубини яхши биламиз. "Насаф" билан ОФК кубогида аввал ҳам тўқнаш келганмиз. Мураббий кўрсатмаларига амал қилган ҳолда "Насаф"ни мағлубиятга учратамиз. Бунда мухлисларимиз ёрдам ҳам керак бўлади.