ЕЧЛ. «Манчестер Сити» ва «Ливерпуль» дуранг қайд этиб, ярим финалга йўл олди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Футбол бўйича Европа Чемпионлар Лигасининг чорак финал жавоб ўйини доирасидаги иккита учрашув 13 апрель, чоршанба куни бўлиб ўтди. «Ливерпуль» ўз уйида «Бенфика»ни қабул қилди. Мерсисайдликлар сафида Роберто Фирмино дубль қайд этган бўлса, Иброҳима Конате битта голга муаллиф бўлди. Меҳмонлар сафида Гонсалу Рамуш, Роман Яремчук ва Дарвин Нуньес ўз ҳисобига гол ёздириб қўйди. Шу тариқа инглиз клуби дастлабки ўйиндаги ғалаба эвазига кейинги босқичга йўл олди. «Ливерпуль» ярим финалда «Вильярреал»га қарши баҳс олиб боради. Яна бир ўйин «Атлетико» ва «Манчестер Сити» жамоалари ўртасида кечди. Учрашувда ҳисоб очилмади ва «шаҳарликлар» биринчи ўйиндаги гол эвазига ярим финалга чиқди. «Сити» ярим финалда Мадриднинг яна бир клуби «Реал»га қарши ўйнайди. «Ливерпуль» Англия – «Бенфика» Португалия 3:3 Голлар: 1:0 – 21 Конате, 1:1 – 32 Гонсалу Рамуш, 2:1 – 55 Фирмино, 3:1 – 65 Фирмино, 3:2 – 73 Яремчук, 3:3 – 81 Нуньес. «Ливерпуль»: Алиссон, Гомес, Матип, Конате, Цимикас, Милнер (Тиаго Алькантара, 58), Ҳендерсон (Фабиньо, 58), Кейта, Фирмино (Ориги, 90), Диогу Жота (Салоҳ, 57), Диас (Мане, 66). «Бенфика»: Влаҳодимос, Жилберто (Жил Диаш, 90), Вертонген, Отаменди, Грималдо, Таарабт (Жоау Мариу, 66), Диогу Гонсалвеш (Яремчук, 46), Вайгль, Эвертон (Алмейда, 90), Нуньес, Гонсалу Рамуш (Паулу Бернарду, 78). Дастлабки ўйин — 3:1 «Атлетико» Испания – «Манчестер Сити» Англия 0:0 «Атлетико»: Облак, Савич, Фелипе, Рейнилду, Лоди (Корреа, 70), Лемар (Суарес, 82), Коке (де Пауль, 69), Кондогбиа, Льоренте, Гризманн (Карраско, 69), Жоау Феликс (Матеус Куня, 82). «Манчестер Сити»: Эдерсон, Уокер (Аке, 73), Стоунз, Ляпорт, Жоау Канселу, Гундўған, де Брюйне (Стерлинг, 65), Родри, Бернарду Сильва (Фернандиньо, 79), Фоден, Маҳрез. Огоҳлантиришлар: Фелипе (24), Льоренте (80), Родри (85), Савич (90), Аке (90), Маҳрез (90), Фоден (90), Жоау Канселу (90). Четлатиш: Фелипе (90). Дастлабки ўйин — 0:1