Хивада ўтказилган «Лазги» Халқаро рақс фестивали ғолиблари аниқланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Дарё» / Миролим Исажонов Ўзбекистонда илк бор ўтказилаётган «Лазги» Халқаро рақс фестивали 29 апрель куни якунига етди ва ғолибларни тақдирлаш маросими бўлиб ўтди. Бу ҳақда «Дарё» мухбири хабар бермоқда. Маълум қилинишича, ўзбекистонлик раққоса Дилноза Ортиқова гран-прига лойиқ деб топилган ва 7 минг доллар пул мукофоти билан тақдирланган. «Энг яхши рақс жамоаси» номинацияси бўйича: 1-ўрин Алишер Навоий номидаги Ўзбекистон давлат академик катта театрининг «Тумор» рақс ансамбли; 2-ўрин Ўзбекистон давлат филармониясининг «Навбаҳор» ашула ва рақс ансамбли ҳамда Фикрат Аминов номидаги Озарбайжон давлат ашула ва рақс ансамбли; 3-ўрин Қирғизистоннинг «Шаттик» рақс ансамбли ҳамда Туркиянинг «Инегол» халқ рақслари ансамбли. «Энг яхши яккахон рақс ижрочиси» номинацияси бўйича: 1-ўрин ўзбекистонлик Шерзод Кенжабоев ва қозоғистонлик Гулнур Кассимбек; 2-ўрин ҳиндистонлик Нидхи Мисра ҳамда ўзбекистонлик Феруза Азатова; 3-ўрин испаниялик Нерея Фернандес ҳамда россиялик Кристина Коврова ва Никита Груздев. «Энг яхши саҳналаштирилган рақс» номинацияси бўйича: 1-ўрин Болгариянинг «Пирин» рақс жамоаси; 2-ўрин Ўзбекистон давлат филармониясининг «Ўзбекистон» ашула ва рақс ансамбли ҳамда Тожикистоннинг «Зебо» ансамбли; 3-ўрин Сербиянинг «Свети дорди» рақс жамоаси ҳамда Мисрнинг «Таннура» рақс жамоаси.