Таниқли Голливуд актёри Рей Лиотта вафот этди
Голливуднинг таниқли актёри Рей Лиотта 67 ёшида вафот этди, деб хабар берди Daryo.uz нашри.
Қайд этилишича, актёр Доминикан Республикасида «Хавфли сувлар» фильмида суратга тушаётган бўлган ва уйқусида вафот этган.
Лиотта АҚШнинг Ньюарк шаҳрида туғилган. У 1978 йилда «Ўзга дунё» фильмида дебют ролини ижро этган. Бироқ Рей Лиотта Роберт Де Ниро ва Жо Пеши иштирокида «Ажойиб йигитлар» фильмидаги Генри Хилл роли туфайли машҳурликка эришди. Ушбу фильм унга бир нечта кино мукофотларини олиб келди. Шунингдек, актёр «Орзулар майдони», «Ганнибал» ва бошқа кўплаб фильмларда рол ўйнаган.
2021 йилда Лиотта иштирокида «Ньюаркнинг муқаддас авлиёлари» фильми намойиш этилди. 2022 йилнинг охирларида у Деми Мур ва Маргарет Куэлли билан «Модда» фильмида суратга тушиши керак эди.