“Реал” юлдузи: Бу соврин учун хотинимдан воз кечаман! — Бизга қўшилинг: ???? https://t.me/joinchat/AAAAADwt0NGCRoONT4f1_Q
28 май куни “Реал” Чемпионлар лигаси финалида “Ливерпуль” билан куч синашади. Ушбу учрашув олдида “Реал”нинг ёш юлдузларидан бири Федерико Вальверде ўз фикрлари билан ўртоқлашди. - Чемпионлар лигаси ҳар бир футболчи учун ажойиб соврин ҳисобланади. Бу соврин учун мен кўп нарсага тайёрман. Албатта, ўғлим борасида ҳеч нарса қила олмайман. Лекин соврин учун хотинимдан воз кечишим мумкин, - деди Вальверде. Эслатиб ўтамиз, “Реал” фаолияти давомида жами 17 маротаба Чемпионлар лигаси финалига чиққан. Шулардан 13 тасида мадридликлар бош совринни ўзиники қилиб олган. “Қироллик клуби”нинг финалдаги рақиби “Ливерпуль” ҳал қилувчи баҳсда ўнинчи марта қатнашади. Англияликлар жами олти марта Чемпионлар лигаси ғолиби бўлган.