Наманганда «Жигули» билан тўқнашган «Зил» ағдарилиб кетди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Наманган вилояти ИИБ ЙҲХБ ахборот хизмати Ижтимоий тармоқларда Наманган вилоятининг Чуст туманида «Зил» юк машинаси ағдарилиб кетгани тасвирланган видео тарқалди. Вилоят ИИБ ЙҲХБ ҳолатга муносабат билдирди. Маълум қилинишича, 4Р 112 Фарғона ҳалқа йўлининг «Чустнон»—«Дўстларобод» маҳаллалари ҳудудида йўл-транспорт ҳодисаси содир бўлган. Дастлабки маълумотларга кўра, «Зил-130» русумли юк машинаси ҳамда «ВАЗ-2106» русумли автомашиналари тўқнашуви натижасида юк машинаси йўл четига ағдарилиб кетган. «Ҳодиса натижасида ҳар икки транспорт воситаси техник шикастланган, ҳайдовчи ва йўловчилар орасида жиддий жароҳат олганлар йўқ», — дейилади муносабатда. Фото: Наманган вилояти ИИБ ЙҲХБ ахборот хизмати