Кўксарой қароргоҳида 21 июнь куни Ўзбекистонга давлат ташрифи билан келган Озарбайжон президенти Илҳом Алиевни расмий кутиб олиш маросими бўлиб ўтди. Бу ҳақда Президент матбуот хизмати хабар қилди. Қайд этилишича, икки мамлакатнинг давлат байроқлари билан безатилган майдонда Озарбайжон раҳбари шарафига фахрий қоровул саф тортган. Шавкат Мирзиёев олий мартабали меҳмонни кутиб олган. Давлат раҳбарлари шоҳсупага кўтарилган. Ўзбекистон ва Озарбайжон мадҳиялари янграган. Фото: Президент матбуот хизмати Мамлакатлар етакчилари фахрий қоровул сафи олдидан ўтган. Маросимда Ўзбекистон ва Озарбайжон расмий делегациялари аъзолари иштирок этган.
