Киевда тўққиз қаватли уйга ракета келиб тушди
Киев шаҳрининг Шевченковский районига 26 июн тонгида ракета зарбаси берилди. Фавқулодда ҳолатлар бўйича давлат хизматига кўра, Россия томонидан ракета ёғдирилиши чоғида улардан бири аҳоли турар жой ҳудудига келиб тушган. Россия томонидан жами 14 та ракета учирилган, шундан фақат тўрттаси Киев ҳудудига келиб тушган, қолган ракеталар уриб туширилган.
Натижада тўққиз қаватли уйнинг юқори уч қавати вайрон бўлган ва ёнғин бошланган.
Воқеа жойига етиб келган Киев мэри Виталий Кличко харобалар остида одамлар қолиб кетганини маълум қилган. Хусусан, қутқарувчилар етти ёшли қизни қутқариб олишган, харобалар остидан унинг отасининг жасади олиб чиқилган, унинг онасини қутқариш ишлари олиб борилмоқда.
Жами беш киши шифохонага ётқизилган.