У нима эди?
Қозоғистоннинг Шимкент шаҳрида 2 июль куни фуқаро номаълум учар жисмни видеога олди. Бу ҳақда «Tengrinews» хабар берди.
Аввалига гувоҳлар объектни самолёт деб ўйлаган. Бироқ осмонда қайд этилган жисмнинг ҳаракат траекторияси самолёт хусусиятига тўғри келмаган. Учар жисм қуёшда ёрқин порлаб, тартибсиз ҳаракатлана бошлаган.
Кейин у секинлашиб, парвоз баландлигини пасайтирган. Шундан сўнг, яна баландга кўтарилиб, кўздан ғойиб бўлган. Видеодаги изоҳларда айримлар бу квадрокоптер эканини таҳмин қилган. Бошқалар эса бу номаълум учар жисм эмас, оддий пакет деб ҳазил қилган.